25.12.2025
«Қош келдің, Жаңа жыл!»
Жаңа жылым мол болсын
Басқан қадам оң болсын
Төрлет, төрлет жаңа жыл
Бізге құтты жыл болсын.
Жаңа жыл – барша адамзат үшін ерекше мереке. Бұл күнде барша жан ескі жылды құрметпен шығарып салып, жаңа жылды үмітпен, қуанышпен қарсы алады.
Бастау ауылының № 2 жалпы орта білім бертін мектебінің мектепалды даярлық сыныбының және шағын орталығының «Қош келдің, Жаңа жыл!»атты ертіңгілігі өткізілді.
Мақсаты: балаларға мерекелік көңіл күй тудыру, көңілді ойындар ойнату, достық қарым-қатынас ояту, аудиторияға мерекелік көңіл күй жасау.
Бүлдіршіндер шыршаны айналып, әндетіп, қызық ойындарды ойнады. Ертегілердің кейіпкерлері Қасқыр, Қоян, Сауысқан, Мыстан кемпір, Аяз ата мен Ақшақар балаларға жақсы көңіл – күйді сыйлады. Бүлдіршіндер өз өнерлерін ортаға салды. Іс-шараның соңында барлық бүлдіршіндер Аяз атадан мен Ақшақардан тәтті базарлықтарды алды. Іс – шара қөңілді және қызық өтті.
Жаңа жыл – әр адамның жүрегінде жаңа армандар мен жарқын үміттерді оятатын мереке. Жаңа жыл әр отбасыға бақыт, денсаулық және молшылық әкелсін. Әр күніміз қуаныш пен сәттілікке толы болсын!
Тәрбиешілер: Дауылбаева Р.Р., Бақыт Ж., Тойшубекова А.Т.