«Мейірімді мүғалім»

Мұғалім мамандығы адамнан үлкен білімді ғана емес, ақыл -ой күшін, төзімділікті талап етеді. Мектеп - бұл біздің үй, мұнда жоғары санатты, талантты мамандардың педагогикалық ұжымы жұмыс істейді, олардың арасында лайықты демалыста жүрген адамдар бар, бірақ біз оларды ешқашан да ұмытпаймыз.

       Ұстаз болу – өз уақытыңды аямау, өзгенің уақытын аялау» - деп француз ойшылы Жан Жак Руссо айтпақшы, ұстаздардың еңбегі ерен. Шәкірт санасына білім нәрін сеуіп, ел болашағының өрендерін тәрбиелеп шығару - екінің бірінің қолынан келе де бермейді. Зинаида Алдабергеновна осы жолды таңдап шәкірттерінің бойыңа  бар махаббатын, білімін  сіңіре алды. Мектеп  еңбек  жолында  41 жыл , оның  ішінде орыс тілі мен әдебиет пәнінің мұғалімі, педагог -психолог болып жұмыс істеді. Қызмет жылдарында жүздеген шәкірттерге берік, терең білім беру үшін қаншама махаббат, күш, мейірімділік, білім, қажырлы еңбек қажет болды. Оның байсалдылығы, ақылдылығы, кеңестері шәкірттер  мен әріптестерінің арасында құрмет пен ризашылық сезімін оятады. Ұстаздық қабілетіңіз, мейірімділік пен рухани жомарттық ұзақ уақыт бойы барлық мұғалімдер мен оқушылар үшін  үлгі  болып қала берсін.

         Сізге мықты денсаулық және сәттілік тілейміз!

Бастау ауылының № 2 ЖОББМ  педагогикалық  ұжымы.